Samstig Namitag am lauschige Nanyang Lake, amene chline Seeli im su:dleche Teil vor Universita:t… was bloss hu:t am Abe ungerna:? E Blick id Kontaktliste zeigt, dass uf mim Handy scho es knapps dutzend Nummere vo Ustuschstuda:nte gspicheret si, auso mau es SMS schicke.
“Hi jonas! There is going to be a party in the staff club around 8-9. We will go there!hope to see u there too!!”
Ok, to:nt doch gar nid schla:cht. Dr Staff Club isch e chlini Lounge ufem Campus vor Uni, im Moment fasch usschliesslech vo Ustuschstuda:nte frequentiert. Me darf gspannt si!
I blibe no chli a da:m malerische Seeli, lose amene Singapurer zue, wo sim Musiginstrument Melodie vo Jingle Bells bis zu traditionell chinesisch entlockt. Mir hei nis nid soo guet verstande, was a sim A:nglisch und a mine Ohre (wo sech Singlish no nid eso gwahnet si) gla:ge isch; abr d’Suechi uf Wikipedia het du erga:, dass es sich bim Instruma:nt wahrschinlech umenen Erhu ghandlet het.
Nach Sunnenungergang zieh mer schliesslech za:me los, zwo:i Franzose, o:pper us Du:tschland u ig. Im Staff club isch sehr viu los: E Gruppe Franzose spiele Dart, zwo:i kalifornischi Ladies probiere, bim Bartender e Spezialpriis fu:r ihri Shots z’erhandle, a de Tischli diskutiere singapurer Studa:nte, D’Schwede hei sich d’Sofas kaperet u gniesse dert ihres Tiger Beer, und e Studa:nt us Da:nemark verteilt Visitecha:rtli und verzeut, er organisieri e Party fu:r Ustuschstuda:nte uf Sentosa Island.
Mir ploudere es bitzeli, und es stellt sech use, dass ds Ziel vom Abe no chli wiiter wa:g ligt, na:mlich dowtown, wu:u’s dert e sehr empfa:hlenswa:rti Disco namens Ministry of Sound git. Mit em Bus mache mir u:s auso ufe Wa:g. Metro fahrt anschliessend auerdings keni me, die si nur bis Mitternacht ungerwa:gs. Doch d’Taxis si sehr gu:nstig: z’fu:ft (I weiss, es isch verbote, aber scho ds zwo:ite Taxi nimmt u:s mit) chunnts o:ppe uf 4S$ pro Person.
Abetu:u:r MOS: Sandale si nid erloubt, abr natu:rlech wei mir u:se schwedisch Kolleg nid allei dusse la stah. Mir zahle drum die 20S$ Iitritt und touche i die (sehr luti) RnB-Stimmig ii. Chum drin, wa:rde Schue abzoge und inere Ta:sche use transportiert. Wa:r dinne blibt, steut sech unschuldig dri blickend ume barfu:essig Schue-Spa:nder, schliesslech hets Lu:t vor Security, wo mit Taschela:mpli bewaffnet du:r d’Ma:ngi dra:nge. Za:h Minute spa:ter isch aues u:berstande, Schue wa:rde ga:ge Sandale tuscht, und mir bewege u:s richtig Bar…
Bis am vieri am Morge hei mir e ra:cht amu:santi Zyt verbracht. Ds Interieur vom MOS isch a:cht no stylisch… d’Musig chli weniger, abr drfu:r umso lu:ter ;-/ Mir ka:mpfe u:s durch d’Mo:nscheliiber, vo Techno zu House zu Disco und wieder zru:gg, grob gscha:tzt dru: tuusig Singapurer Teenies und Twenties um u:s ume, bis mir du schliesslech wieder im Taxi hocke, erscho:pft und zfriede, u er NTU zue fahre.