Fröit mi, dass es dir guet geit. Ha grad wäuz Stress gha wäge üsem Compi. Usser de Lämpli, wo aui mitenand wie wiud blinket hei, isch grad gar nümme gange. Christoph,alias Krisemanager i höchschter Not, (u das während der Bürozyt!) hett scho dervo gredt, me müessi de äuä no ne nöie choufe. Mit der Houzhammermethode isch es de ändlech gange… Zum zähte Mau aadräie u de eifach dr Stromschauter kippe —> Ende. Das hett em Compi dermasse Idruck gmacht, dass är grad wieder hett afa rotiere. Du gsehsch, i cha scho wieder desume sörfe!
Aber jetz sött o i no chli ga hushaute. Morn chunnt Bsuech us Dütschland zu üs (weisch wär?), de söttis de viellecht chli ne Gattig mache ;-)
Bhüeti